Uzinduzi wa libeneke la afroIT huko china

Ukurasa mkuu wa AfroIT Mdau akimwaga sera katika hotuba ya uzinduzi wa AfroIT

Mdau akichangia mada katika uzinduzi wa AfroIT

AfroIT crew na baadhi ya wageni waalikwa

Wadau wakifuatilia uzinduzi wa AfroIT

Ankal Michuzi!

Pole na majukumu ya kuendeleza libeneke la globu yetu ya jamii. Naomba uwatambulishe wanajamii libeneke la

www.afroit.com ambapo mnamo Ijumaa tar 23 Apr

kulifanyika uzinduzi rasmi wa tovuti yetu

katika jiji la Wuhan hapa China. 1.Utangulizi AfroIT Group ni kikundi cha Watanzania wachache ambao ni vijana waliojikita kwenye uwanja wa Teknolojia ya Habari na Mawasiliano (ICT) wakiwa na azma ya kuwafahamisha, kuwaelimisha na hata kuwajulisha Watanzania masuala mbalimbali yahusuyo ICT kupitia njia ya mtandao(yaani kupitia tovuti yetu ya www.afroit.com). 2.Azma Kama nilivyodokeza hapo awali, azma yetu hasa ni kutoa ufahamu na elimu kwa ndugu zetu watanzania katika uwanja wa teknolojia ya habari na mawasiliano. Kwa mantiki hii, tunaamini AfroIT inaweza kuwa msaada kwa jamii nzima kuanzia wanafunzi hadi wananchi wa kawaida mwenye kiu na uhitaji wa nyenzo muhimu ktk ICT. 3.Kilichomo AfroIT Ndani ya tovuti yetu, kuna kurasa mbalimbali ambazo tumezigawanya ktk makundi matano ambayo ni "e-learning", "technology", "forums", "blog" na "downloads".Hivyo basi kupitia kurasa hizi : utaweza soma vijarida na vitabu mbalimbali kuangalia video mbalimbali za masomo kuuliza yale yanayokutatiza na kuchangia mada mbalimbali kupakua(kudownload) vitabu mbalimbali kwa urahisi kukutana na habari mbalimbali zinazojiri katka ulimwengu wa ICT Hivyo basi ni tumaini letu kuwa ndugu zetu Watanzania mtauthamini mchango wetu na tunategemea kuungwa nanyi mkono katika ushauri, mawazo na hata kukosolewa inapobidi. Kwa ushauri, maswali au maoni wasiliana nasi kupitia anwani zifuatazo: info@afroit.com

au

webmaster@afroit.com Tembelea www.afroit.com leo kwani "elimu ni ushindi"